ஸ்ரீ தர்மசாஸ்தா துணை
 
சபரிமலை ஐயப்ப சுவாமி
சபரிமலை ஐயப்ப சுவாமிக்கு தினமும் என்ன சாப்பாடு:
சபரிமலை ஐயப்ப சுவாமிக்கு அதிகாலை பூஜையின் போது, அஷ்டாபிஷேகம் நடத்தப்படும். அதாவது, விபூதி, பால்,தேன், பஞ்சாமிர்தம், இளநீர், சந்தனம், பன்னீர், தூயநீர் ஆகிய எட்டு பொருட்களால் அபிஷேகம் செய்யப்படும். திருமதுரம் என்னும் பிரசாதம் நைவேத்யம் செய்யப்படும். இதை பழம், தேன், சர்க்கரை சேர்த்து தயாரிப்பர். பின்னர் நெய்யபிஷேகம் நடக்கும். நண்பகலுக்கு முன்பு 15 தீபாராதனைகள் நடக்கும். அந்த தீபாராதனையின் போது பச்சரிசி சாதம் படைக்கப்படும். மதிய பூஜையின் போது, இடித்துப் பிழிந்தெடுத்த தேங்காய்ப்பாலுடன் கதலிப்பழம், சர்க்கரை, சம்பா பச்சரிசி, சுக்கு, நெய் ஆகியவை சேர்த்து பாயாசம் தயாரிக்கப்படும். இதை மதிய உணவாக ஏற்கிறார் ஐயப்பன். மகா நைவேத்யம் என்று இதற்குப் பெயர். இரவு பூஜையின் போது, அப்பம், பானகம், பச்சரிசி சாதம் ஆகியவை நைவேத்யமாக படைக்கப்படுகிறது.
மாளிகைப்புறம் கோயிலில் பகவதி சேவை வழிபாடு:
சபரிமலை: மாளிகைப்புறத்தம்மன் கோயிலில், பகவதி சேவை வழிபாட்டில் ஏராளமான பக்தர்கள் பங்கேற்கின்றனர். சபரிமலை வரும் பக்தர்கள் ஐயப்பனை தரிசித்து விட்டு, மாளிகைப்புறத்தம்மனை வழிபடுகின்றனர். இங்கு தேவிக்கு நடைபெறும் முக்கிய வழிபாடு பகவதிசேவை. கோயில் வளாகத்தில் தனியாக அமைக்கப்பட்ட மாகோலத்தின் நடுவில் விளக்கு வைத்து, அதில் 5 திரி போட்டு நெய் ஊற்றி தீபம் ஏற்றப்படுகிறது. மேல்சாந்தி மனோஜ் நம்பூதிரி தீபாராதனை நடத்துவார். 7 பூஜாரிகள் 45 நமிடம் தேவி மந்திரம் சொல்வர். பின் பாயாசம், அப்பம், வெற்றிலை பாக்கு வைத்து தீபாராதனை நடைபெறும். தேவசம்போர்டு இந்த வழிபாட்டுக்கு 2000 ரூபாய் கட்டணம் நிர்ணயித்துள்ளது. தினமும் இரவு 7 முதல் 8 மணி வரை இந்த பூஜை நடைபெறுகிறது.
பக்தர்கள் கூட்டத்திற்கேற்ப சபரிமலையில்.. நடை அடைக்கும் நேரம் மாற்றம்:
தேவசம்போர்டு புது முடிவு: பக்தர்கள் கூட்டத்திற்கேற்ப சபரிமலையில் நடை திறந்து அடைக்கும் நேரத்தை மாற்றியமைக்க திருவிதாங்கூர் தேவசம்போர்டு முடிவு செய்துள்ளது. சபரிமலையில் மண்டலபூஜை காலத்தில் அதிகாலை நான்கு மணிக்கு நடை திறந்து பகல் ஒரு மணிக்கும், மாலை நான்கு மணிக்கு நடை திறந்து இரவு 11 மணிக்கும் அடைக்கப்படும். கடந்த சில நாட்களாக பக்தர்கள் கூட்டம் அலைமோதுகிறது. நான்கு நாட்களாக தொடர்ந்து கூட்டம் அதிகமாக உள்ளதால் 24 மணி நேரமும் 18-ம் படியில் பக்தர்கள் ஏற்றப்படுகின்றனர். நடை அடைக்கப்பட்டிருக்கும் போது படியேறுபவர்கள் மீண்டும் வடக்கு வாசல் வழியாக சென்று சாமி கும்பிட வேண்டும். இதை தொடர்ந்து கூட்டம் அதிகமாக இருக்கும் நாட்களில் மட்டும் நடை திறந்திருக்கும் நேரத்தை அதிகரிக்க முடிவு செய்யப்பட்டுள்ளது. இதன்படி அதிகாலை நான்கு மணிக்கு பதிலாக 3.30-க்கு நடை திறக்கும். அதுபோல பகல் ஒரு மணிக்கு பதிலாக இரண்டு மணிக்கு அடைக்கப்படும். மாலையில் நான்கு மணிக்கு பதிலாக 3.30 மணிக்கு நடை திறக்கப்பட்டு இரவு 11 மணிக்கு பதிலாக 11.30-க்கு அடைக்கப்படும். இது அந்தந்த நாட்களில் நிலைமைக்கேற்ப கோயில் நிர்வாக அதிகாரி, தந்திரி மற்றும் போலீஸ் அதிகாரிகளுடன் ஆலோசனை நடத்தி முடிவெடுப்பார்.
சபரிமலையில் 40 வகையான பூஜைகள்: 12 வகையான வழிபாடு பிரசாதங்கள்:

கட்டண விபரம்: சபரிமலையில் 40 வகையான பூஜைகள் நடைபெறுகிறது. 12 வகையான வழிபாட்டு பிரசாதங்கள் விற்பனை செய்யப்படுகிறது. சபரிமலையில் மண்டல- மகரவிளக்கு காலத்திலும், இதர மாத பூஜை நாட்களிலும் 40 வகையான பூஜைகள் நடைபெறுகிறது. அதன் விபரம் வருமாறு. அடைப்புக்குறிக்குள் கட்டணம் கொடுக்கப்பட்டுள்ளது. மிகக்குறைந்த கட்டணம் நெய்யபிஷேகத்துக்கும், அதிக பட்ச கட்டணம் படிபூஜைக்கும் வசூலிக்கப்படுகிறது.

உஷபூஜை(501), உச்சபூஜை(2001), நித்ய பூஜை(2501), கணபதிஹோமம் (200), பகவதிசேவை (1000), புஷ்பாபிஷேகம் (2000), களபாபிஷேகம் (3000), அஷ்டாபிஷேகம் (3500), லட்சார்ச்சனை (4000), சகஸ்ரகலசம் (25000), படிபூஜை (40000), உதயாஸ்தமனபூஜை (25000), உற்சவபலி (10000), முழுக்காப்பு (500), சகஸ்ரநாமஅர்ச்சனை (20), அஷ்ட்டேத்தர அர்ச்சனை (20), துலாபாரம் (100), நெய்யபிஷேகம் முத்திரை ஒன்றுக்கு (20), சுயம்வர அர்ச்சனை (25), நவக்கிரகபூஜை (100), ஒற்றைகிரகபூஜை (20), தங்கநகை பூஜை (25), மாலை, பிரம்பு பூஜை (15), கோயில் வளாகத்தில் பறயிடல்- தானிய காணிக்கை (100), கோயிலுக்கு வெளியில் பறயிடல் - தானிய காணிக்கை (120), நவக்கிரக நெய் விளக்கு (15), எழுத்து தொடங்கி வைத்தல் (101), அவல்பொரி நிவேத்யம் (15), அடிமை (100), தங்க அங்கி சார்த்துதல் (7500), வெள்ளி அங்கி சார்த்துதல் (4000), சோறு கொடுத்தல் (100), நாமகரணம் (75), நீராஞ்சனம் (75), உடையாடை சார்த்து (15), உடைஆடை நடைக்கு வைத்தல் (15), மஞ்சள் குங்கும அபிஷேகம் (25), நாகர்பூஜை (25), வரநிவேத்யம் (15) வல்ச நிவேத்யம் (25).

இவற்றில் களபாபிஷேகம், புஷ்பாபிஷேகம், லட்சார்ச்சனை, சகஸ்ரகலசம், உற்சவபலி ஆகிய பூஜைகளுக்கு தேவையான பொருட்களை பக்தர்களே கொண்டு வரவேண்டும்.

வழிபாடு பிரசாதங்கள்: அப்பம் (25), அரவணை (60), விபூதி பிரசாதம் (15), வெள்ளை சோறு (10), சர்க்கரை பாயசம் (15), பஞ்சாமிர்தம் (50), பஞ்சாமிர்தம்-சிறிய டின் (20), பஞ்சாமிர்தம் - பெரிய டின் (50)அபிஷேக நெய் (50), ஐயப்ப சக்கரம் (120), பூஜிக்கப்பட்ட மணி- பெரியது (70), பூஜிக்கப்பட்ட மணி (40),

HOME ! ABOUT US ! NEWS !AYYAPPAN SLOKAS IN LYRICS!AYYAPPAN SONGS IN LYRICS ! PHOTOS ! VIDEOS ! COMMENTS

Copyright @ 2011 - 2015 www.swamysaranam.co.in & designed ,hosted by www.clientswebhosting.com

HIT COUNTER